Snjór, snjór og meiri snjór!

Það eru komin nokkur ár síðan maður hefur séð eins mikinn snjó og núna!   Í raun finnst mér þetta allt í lagi, ég meina að hafa snjóinn, ef ekki væri alltaf svona leiðindaveður eins og er búið að vera undanfarna daga!  Ég þoli aftur á móti ekki þessa umhleypinga eins og hafa verið undanfarna vetur, snjó og rigningu til skiptis   En mig langar líka að hrósa snjómokstursmönnunum hér í bæ.  Þeir byrja um 6 leytið á að renna eina rennu um allar götur bæjarins, þannig að ef mikið liggur við, þá er alltaf möguleiki fyrir þig að komast..... Svo byrja þeir, og það er sko hreinsað eins og hægt er af götum og gangstéttum, sett í stóra hauga hist og her um bæinn, börnunum til mikillar ánægju.....  Haugarnir  eru svo hreinsaðir upp þegar tími vinnst til.

Heimsókn í höfuðborgina!

Skrapp suður með Guðrún Ósk og Rebekku Lind á föstudaginn 1. feb.  Kalli kom og var hjá okkur um helgina.  Það var farið á þorrablót, fjölskylda og vinir heimsóttir, farið í hitting og fl.  Yndisleg vika á allan hátt.  Svo var komið að heimferð, allt ófært og ég á mínum "fjallabíl"  En vestur varð ég að komast, átti að vinna alla helgina,  svo það var brunað af stað á föstudeginum.  Aldrei hefur verið eins oft hringt á Vegagerðina.  Ákveðið að fara eins langt og hægt yrði, það yrði þá meiri möguleiki að komast alla leið daginn eftir!  Allt hafðist þetta með góðra manna hjálp, sátum fastar ásamt jeppa í klst. upp á Steingrímsfjarðarheiði.  Maður sér það svo vel við svoleiðis aðstæður, hvað mikið er til af góðu fólki, allir boðnir og búnir til að hjálpa.  Tek það fram að það var út af skyggni sem ég lenti í ógöngum, sá ekkert og lenti útaf......  Í Djúpinu var svo mikil hálka að 2 flutningabílar enduðu fyrir utan veg og svo var einn sem endaði á hliðinni fyrir neðan veg, ekki út af hálku, heldur gaf kanturinn sig, þegar hann var að víkja fyrir öðrum.  Enduðum með að keyra Súðavíkurhlíðina í fylgd og komumst á Ísafjörð eftir 10 tíma ferðalag.  Gistum hjá mömmu og pabba í góðu yfirlæti um nóttina og komumst svo alla leið á laugardaginn.  Búin að heyra það haft eftir einni nágrannakonu minni að nú ætli hún að selja jeppann, fyrst ég komst til Ísafjarðar á mínum fjallabíl. ;-)

Það sem ég dunda mér við!

Set hér inn myndir af því sem ég hef verið að dunda mér við síðustu vikuna.  Þegar maður er ekki að vinna, þá situr maður oftast í sófahorninu, með annað augað á sjónvarpinu og eitthvað til að dunda sér við í höndunum ....

Eftir óveður!

Set hér inn 2 myndir sem  ég tók áðan, önnur tekin út um gluggann á  pallhurðinni  ( get ekki opnað hana, kominn klofhæðarhár snjór á pallinn )  Hin er tekin út um aðaldyrnar.

Brjálað veður!

Hér skall á sannkallað janúarveður, á ca hálftíma sá maður veðrið breytast úr fínu veðri, yfir í arfa vitlaust veður.  Sést varla á milli húsa og maður horfir á skaflana hrannast upp! Vona bara að það snjói ekki allt á kaf, og að veðurspáin rætist fyrir föstudaginn!  Nú á nefnilega að leggja land undir dekk og þeysa suður á leið, á mínum fjallabíl!  Ég, Guðrún Ósk og Rebekka Lind erum búin að fá íbúð á suðvesturhorninu í vikutíma, svo kemur minn heittelskaði yfir helgina!!!  Ég og Kalli förum á Þorrablót Bolvíkinga á laugardaginn, ætlunin er svo að fá börn og barnabörn, svo og systkini mín með sitt fylgdarlið í tvöfalt afmæliskaffi á sunnudeginum.  (Kalli og Ásdís Rún)  Þá slær maður semsagt margar flugur í einu höggi.......  Hittir allt liðið í einu.  Það verður svo bara að koma í ljós hvort maður verður svo duglegur að fara að heimsækja eitthvað af vinafólkinu.  Síðan systkini mín og ég tala nú ekki um börnin fluttu suður hafa vinirnir mætt afgangi í sambandi við heimsóknir.  Nú svo er auðvitað aldrei að vita nema að maður komist á hitting ;-)

Jólalaugardagur!

Eins og ég var búin að segja þá eru sumir dagar vikunnar látnir heita eitthvað og allir laugardagar eru jólalaugardagar.  Þá er ætlunin að maður vinni við jólamyndir eða eitthvað sem ætlunin er að gefa í jólagjöf

Auðvitað ræður maður því hvort maður fer eftir þessu eða ekki en ég verð að segja að það ýtir nú dálítið við manni að fá tilkynningu um að nú sé UFO dagur og það verður nú til þess að maður tekur sig til einstaka sinnum og tekur í gömlu stykkin og klárar!

Hér er mynd af einu stykki sem ég kláraði um daginn, bara svo fólk haldi ekki að ég klári ekki stundum svona eitt og eitt stykki.   Ég var nú reyndar ekki búin að vera neitt afskaplega lengi með þessa.

Svo eru hér myndir af tveimur jólamyndum sem eru í vinnslu, þá held ég að ég sé búin að gera nokkuð hreint fyrir mínum dyrum......

 

Myndir í vinnslu!

Var að hugsa um að setja hér inn myndir af því sem ég er að vinna í núna, alltaf með nokkur stykki í takinu.  En er það ekki bara í góðu lagi

Ein sem er með mér í klúbbnum segir að maður eigi að byrja á lágmark tveimur stykkjum fyrir hvert eitt sem klárað er.  Þá er ég nú meira að segja á eftir áætlun.

 

Mirabilia - L&L dagur

Í saumaklúbbnum eru sumir vikudagarnir tileinkaðir einhverju ákveðnu.

Þriðjudagar eru UFO-dagar 

Fimmtudagar eru Mirabilia og L&L SAL uppfærsludagar

Laugardagar eru Jólalaugardagar

Í dag er fimmtudagur, þá á ég að leyfa hinum sem eru með mér í klúbbnum að fylgjast með hvernig gengur  að sauma (þ.e.a.s. ef maður er með eitthvað stykki frá Mirabilia eða L&L) 

Ég á tvö kit (pakkningar) frá L&L og fimm frá Mirabilia, fyrir utan að ég á líka einhver munstur

Ég er byrjuð á þremur, mislangt komin með þau, reyndar spurning hvort eitt þeirra telst vera WIP eða UFO þar sem ekki hefur verið snert á því síðan síðasta haust.

Frá Mirabilia er ég með

" A Midsummer Night's Fairy " - langt komin, á eftir að klára perlurnar.

" Shimmering Mermaid " - byrjuð á henni.

" Waiting For Ships " - ekki byrjuð.

" July's Amethyst Fairy " - ekki byrjuð.

" Christmas Tree 2006 " - ekki byrjuð. 

Frá Lavender & Lace er ég með

" Angel of Autumn " - byrjuð á henni.

" Angel of Spring " - ekki byrjuð.

 

Gleðilegt nýtt ár!

Þið verðið að fyrirgefa hvað ég er búin að vera löt að skrifa hér inn, vona bara að það lagist með hækkandi sól 

Fékk bóndann heim í jólafrí í byrjun desember ( fékk að taka prófin, hér í Háskólasetrinu), fór ekki aftur fyrr en 13. janúar, þannig að ég er orðin ein aftur    Lá í flensu fyrir jól og svo aftur um jólin, endaði á pensilíni  Það var nú frekar rólegt hjá okkur um jólin, engir gestir (Utanbæjar...) fyrr en á milli jóla og nýárs, þá kom Layla mín, Beggi og Ásdís Rún og voru fram yfir áramót. Ási Gunnar skrapp í nokkra daga hingað heim til mömmu eftir áramótin (ekki komið vestur síðan í júlí) Iðunn Ýr er ófrísk, á að eiga í apríl, hún var að greinast með fæðingarþunglyndi var látin minnka vinnuna og svo á hún að fara í einhvern stuðningshóp og jafnvel að fara til sálfræðings.....  Vona bara að það verði ekkert meira úr því.

Er búin að vera ansi löt, núna eftir að ég er orðin ein aftur.  Jóladótið situr enn hér á skenknum, nema jólatrésdótið, það er komið ofan í kassa   Já og eitthvað af jólaljósunum er ennþá í gluggum og jólagardínurnar eru enn uppi...... En þetta stendur nú til bóta, ætla mér að vera búin að koma þessu ofan í kassa fyrir kvöldið og helst útí geymslu.  Veit ekki hvort ég taki allar seríurnar, finnst svo dimmt og tómlegt þegar þetta er allt horfið.....

Er nú samt búin að sitja með saumadótið mitt (ekki bara legið og starað út í loftið) byrjuð á einu eða tveim nýju,( eða eru þau kannske þrjú? ) og eitthvað smá tekið í gömlu stykkin.  Þarf að fara að taka til í myndaalbúminu mínu, og setja inn nýjar myndir af því sem ég er að gera............

 Ég, Guðrún Ósk og Rebekka Lind ætlum suður um mánaðarmótin og verðum í viku, fengum íbúð hjá Verkalýðsfélaginu.  Ætlunin er að heimsækja eitthvað af vinafólki og ættingjum og bara að slappa af í öðru umhverfi en venjulega.  Kalli kemur um helgina, förum á Þorrablót Bolvíkinga í boði Guðrúnar Óskar (Gaf Kalla það í afmælisgjöf, á afmæli þ.3.)

Ætli þetta sé ekki orðið nokkuð gott í bili!

Bið að heilsa úr Bolungarvíkinni

Ása 

Jóladúkurinn!

 Ég hafði það af að klára þennan, alveg á seinustu stundu, Var búin um sexleytið og átti að mæta upp úr sjö