Bloggleti eða mikið að gera?

Þið farið nú að gefast upp á mér, öllsömul!  Búin að vera svo löt við að blogga undanfarið að það hálfa er nóg. 

 Þann 19. fjölgaði hér í heimili um helming, en þá komu Iðunn Ýr og Björn Daníel vestur og ætla að vera hér eitthvað fram eftir sumri.  Siggi(pabbinn) er farinn að vinna utanbæjar, þannig að þau hefðu orðið mikið tvö ein, þá var auðvitað mikið betra að skella sér vestur í félagsskap og smá dekur hjá mömmu/ömmu.  Alveg yndislegt að hafa einn svona lítinn að dúlla með þegar tími gefst til.

Layla mín fór inn á Klepp núna í vikunni, í eitthvað langtímaprógram.  Eitthvað er verið að hræra í lyfjunum, svo er iðjuþjálfun, sjúkraþjálfun, félagsfræðingur og sálfræðingur.  Allt er þetta undit tryggri yfirumsjón geðlæknis, vonandi að þetta verði til að henni líði eitthvað betur.  Hún og Ásdís Rún ætla svo að koma vestur í frí um mánaðarmótin júlí-ágúst.

Ási Gunnar er búinn að kaupa sér bíl.  Er eiginlega húsnæðislaus núna, var selt húsnæðið sem hann var í.  Fékk inni hjá Iðunni Ýr og Sigga til að byrja með.

Guðrún Ósk vinnur og vinnur(safna fyrir utanlandsferðinni) Rebekka Lind er að klára skóla, tónlistarskóla og sundæfingar.  Fórum á vortónleika tónlistaskólans á dögunum til að hlusta á dömuna

Var bara gaman að því, þau eru alveg yndisleg þessi börn!

Rebekka Lind  kemur og verður hjá okkur í 2 vikur seinni partinn í júlí þegar mamma hennar skreppur utanlands.

Þannig að þegar maður er ekki að vinna, þá hefur maður verið að ammast og reyndar eitthvað farið smá í garðvinnu.........

 

Bið að heilsa ykkur öllum í bili!

 

 

Athugasemdir

[Ylfa Mist Helgadóttir, 29.5.2008 kl. 18:17]

Iss.. við gefumst ekkert upp. Ekki ég a.m.k! Eg sé að sonur minn er með hendurnar þar sem karlmenn gjarnan geyma þær! :)

[Össur Valdimarsson (IP-tala skráð) 31.5.2008 kl. 12:07]

Komdu sæl Ása. Fyrigefðu hversu seint ég svara þér. Það er stefnan að leigja húsið allt árið,yfir vetrarmánuðina líka. Ef þú mundir taka húsið á leigu í viku þá reiknast vikuleiga,ef þú tekur húsið á leigu í 2 vikur,er gefinn afsláttur. Ef þú tekur húsið á leigu yfir alla vetrarmánuðina þá kemur það betur út fyrir þig sem leigjenda. Langtímaleiga er ca 550 evrur pr.mán fyrir utan vatn,rafmagn og gas. Hafðu endilega samband við mig ef þú hefur áhuga,en ég er samt ekki viss um að þú getir fengið húsið á þeim tíma sem þúi óskar,en skoðum málið samt sem áður. Sendu mér e-mail á: [e-mail]

Kærar kveðjur Össur

[www.zordis.com, 31.5.2008 kl. 22:03]

Yndislegt að dúllast með litla engla!  Njóttu þess og ég kannast við bloggleti eða hvað það má kalla það!

Knús vestur!

[Tiger, 1.6.2008 kl. 01:59]

  Ussuss.. það er í fínu lagi að bloggletast aðeins - enda sumarið nokkuð að skella á og þá þarf maður líka að vera meira útivið og njóta veðurs og fleira. Glæsileg börn þarna á ferðinni .. knús og góða helgi ljúfan!