Lífið er vinna, snjór og að ammast þessa dagana!

Hef verið að vinna þessa dagana, svona eftir að ég reis úr rúmi  Það fylgir þessari vaktavinnu að maður er að vinna nokkra daga tarnir og alltaf aðra hvora helgi en svo hefur maður líka frí í nokkra daga á milli

Hér hefur snjóað á hverjum einasta degi undanfarið, fólki til mismikillar gleði !  Hef ekkert mokað frá aðaldyrunum undanfarið, hringdi á pósthúsið og sagði þeim bara að koma með póstinn þvottahúsmegin

Komst ekkert í sundleikfimina þessa vikuna vegna veikindanna, ákvað að þetta gengi ekki lengur, einhverja hreyfingu yrði maður að fá ( fyrir utan hlaupin í vinnunni,upp og niður stiga og fram og aftur gangana)  Frekar en að fara út og vaða snjóinn, ákvað ég að fara í salinn, búin að gera það 2X  fór á fimmtudagskvöld og svo í gær eftir vinnu .  Þetta er sjúkraþjálfunin sem ég er að tala um, get fengið að fara þangað hvenær sem er (eða svo til)  Veit ekki afhverju maður er ekki  duglegri við að mæta

Var svo rétt að koma heim eftir vinnu, þegar dóttir mín og dótturdóttur mættu.  Var búin að gleyma að litla elskan væri að koma til að gista, mamman í aukavinnu um helgar!  Yndislegt að fá að ammast, þó það sé orkufrekt, þá er það líka svo gefandi!!!!!    Hún hefur í einhver ár, átt sitt svefnpláss á dýnu á gólfinu, við hliðina á ömmurúmi, en svona ef afi er ekki heima er voða notalegt að fá að skríða upp í hans ból  Ekkert um það að ræða að sofa frameftir ef hún Rebekka mín er á svæðinu.....  

Jæja, var búin að lofa að taka eina skák við litla engilinn, best að fara að vinda sér í það!

Hafið það gott, elskurnar

Athugasemdir

[www.zordis.com, 2.3.2008 kl. 12:37]

Yndisleg litla skottið sem fær stundum að skríða í afaból!

Væri sko til í sundleikfimi, þessi tæki eru ekki beint fyrir mig en það er nauðsynlegt að fá góða hreyfingu!  Sunnudagsknús í ömmuleikinn.

[Ragnheiður Ása Ingvarsdóttir, 2.3.2008 kl. 13:11]

Sundleikfimin er nefnilega alveg þrusugóð!  Fer betur með öll liðamót, en maður getur samt alveg fengið harðsperrur á eftir

[Maddý (IP-tala skráð) 2.3.2008 kl. 18:08]

Ég elska sundleikfimi, fékk kennslu í henni í Hveragerði og ætlaði svo sannarlega að halda áfram en ..... hvað er að manni eiginlega ... maður getur ekki staðið við hluti sem manni finnast skemmtilegir .. ótrúlegt sinnuleysi eitthvað, kannski batnar þetta með vorinu ..

[Tiger, 2.3.2008 kl. 18:54]

  Sko mína, dugnaðarforkur...

Öll leikfimi er af hinu góða, allt eitthvað sem kemur blóðinu á hreyfingu og styrkir okkur er sannarlega gott mál. Reyndar eru sumir okkar litlu engla alveg nógu mikil leikfimi útaf fyrir sig - sko að hafa ofan af fyrir þeim...

  Ég elska snjóinn og ófærð, og væri alveg til í að geta hringt í mitt pósthús með sömu skilaboð og þú - en hey - í Reykjavík - útilokað, meina - halló hver ert þú - einn af 300000 manns - yeah, glætan að við munum eftir þér vinur... færð engan póst bara ef þú ert með eitthvað múður!

Ljúft er að geta notað Afaból þegar afi er uppá hól ...

[Ragnheiður Ása Ingvarsdóttir, 3.3.2008 kl. 00:57]

Takk fyrir innlitið, elskurnar!  Kemur í ljós hvort þessi dugnaður endist eitthvað

Tigercopper, það er sko alveg á hreinu, sum börn eru sko á við góðan leikfimitíma, bara mikið skemmtilegri